Perayaan Natal Bersama STM "Dame"

 Tertib Acara Perayaan Natal

BERSAMA

STM "DAME" SIMALINGKAR B, MEDAN

16 Desember 2018

Tema:    "Ibana do patiurhon rohanami, pabinsar parbinotoan di sangap ni Debata, na di bagasan bohi ni Kristus i" (2 Korint 4:6b).

 

I.          KATA SAMBUTAN

                1.  Mewakili Penasehat:   

                2.  Mewakili BPH:                       

        3.  Mewakili Anggota:                  

 

II.        KEBAKTIAN               

01.  Joujou tu Parsombaon di Debata (U = Uluan; R = Ruas):

U:   Huria ni Tuhanta, namarlas ni roha do hita dibagasan tingki on, manghalashon hatutubu ni Jesus Sipalua i. Selamat Natal ma dihita saluhutna!

R:   Selamat Natal ma tutu! Gok las ni roha dohot pujipujian ma ngolunta manghalashon holong ni rohaNa tu hita.

U:   Ai naung mago hian do hita gabe ditobus nuaeng, naung holang hian do ngolunta sian Debata, gabe dipadomu muse, na marsak do hita ala ni dosanta, gabe marlas ni roha nuaeng ala ni haroroNa i.

R:   Mauliate ma Tuhan di haroroM tu portibion, ai taruli haluaon dohot hatuaon ngolunami. Hupelehon hami ma dirinami tu Ho, jala pargogoi hami mengihuthon Ho.

U:   Antong las ma rohanta! Tahobasi ma rohanta lao marsaor dohot Tuhanta di acara Natal pinatupa ni STM DAME SIMALINGKAR B MEDAN sadarion. Marende ma hita.

                 (Laos ro ma na pagalak Lilin tu jolo)

 

02.     Marende sian B.E. No. 156:1-2 ”Beha ma panjalongku” huhut Pagalak Lilin (Parjamita, BPH,  Penasehat, Ketua Panitia, Mewakili Anggota Ama, Mewakili Anggota Ina, Mewakili Anak-anak/Remaja)

Beha ma panjalongku, Di Ho, o Tuhanki?

Beha ma panomungku, Di Ho, o Rajangki?

Sondangi ma rohangku, Na holom na bodo

Ai naeng patupaonku, Las ni rohaM di Ho

                (HOLAN MUSIK ...... Rap jongjong) 

Pangisi ni SionMu, Do mangolophon Ho

Laos songon i rohangku, Lao mandapothon Ho

Na ringgas do rohangku, Mamuji goarMi

Na daulat do sangkaphu, Patulus rohaMi

 

03.  Votum + Introitus + Tangiang  (U = Uluan, R = Ruas; S = Sude)

U:   Dibagasan goar ni Debata Ama, dohot goar ni AnakNa Tuhan Jesus Kristus dohot goar ni Tondi Parbadia, na manompa langit dohot tano on.

R:   Amen.

U:   Nunga tubu di hita sada posoposo, dilehon tu hita sada Anak, pampe tu abaraNa do sogot harajaon, jala bahenonNa GoarNa; Sipartahi halongangan, Ulubalang ni Debata Ama, saleleng ni lelengna, Raja ni Hadameon.

R:   Endehon hamu sada ende na imbaru di Jahowa, endehon ma Jahowa, ale sandok tano on.

U:   Pajojor hamu ma di tongatonga ni angka sipelebegu hamuliaonNa i, di tongatonga ni saluhut bangso, halongangan angka na binahenNa i. Marsomba ma hamu  tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on. Haleluya.

R:   Mangendehon B.E. No. 48:7, “Ria ma hita sasude”: 

Ringgas ma hita sasude, mamuji Debata

Gogo ma taendehon be, Amen Haleluya, Amen Haleluya

U:   Martangiang ma hita: Ale Amanami, ama ni Tuhan Jesus Kristus Tuhannami, na tubu di huta Betlehem. Sai pinuji ma goarMu na badia i, ala naung ditingkir Ho hami bangsoM. Ditogutogu Ho do hami sian haholomon tu hatiuron jala dipadomu Ho do hami na holang hian sian Ho, gabe saor muse dohot Ho. Gok halalas ni roha do hami ala ni i. Sai jalo ma hamauliateon ni rohanami, naung tinopotMu marhitehite AnakMi. Amen! (…Ruas hundul….)

 

04.  Marende sian B.E. No. 62:4+5 ”Halalas ni roha godang”

Sai sondangi ma rohangku, ale Tuhan Jesus i

Asa dohot au maruli di hatutubuMi

Hasangapon di Debata, laos dame, dame, dame ma di jolma

Lomo ni roha ni Debata do hita jolma on

Halalas ni roha godang sai songgopi rohangki

Asa dohot au ummalo, mamuji goarMi

Hasangapon di Debata, laos dame, dame, dame ma di jolma

Lomo ni roha ni Debata do hita jolma on

05.  Renungan Situasi (U = Uluan, R = Ruas; S = Sude)

U:       Molo taparrohahon angka na masa di na humaliang hita, boi do dohononta na mardalan di bagasan haholomon do pe hita di partingkian on. Lam tu jorbutna do pangalaho ni hajolmaon di partingkian on, so dihabiari be Debata. Holan ngolu na di portibi on nama dipasarisari jolma i, anggo hangoluon sogot i ndang disarihon.

R:       Ala haholomon do na manghuphupi ngolu ni jolma na di portibi on gabe so diboto jolma i be manondong dalan sidalananna. Madabu ma jolma i tu ngolu na so marpanghirimon dohot ngolu na so marhaporseaon tu Debata.

U:       Alai ndang diloas Debata jolma i manongtong di bagasan haholomon, alani disuru Debata ma AnakNa na sasadai, Jesus Kristus tu portibi on asa disondangi ngolu ni jolma i. Bangso na mardalani di bagasan haholomon marnida sada panondang na bolon. Antong tajanghon ma Panondang bolon i asa dipabali sian hita nasa dosa dohot hajahaton.

R:       Mangendehon B.E. No. 47:2 “Aut na saribu hali ganda”

           Ianggo ho, ale tondingku, sai jangkon ma Panondang i

           Sai unang ma lea rohamu dibaen hametmetonna i

           Pabalionna do sude, Sibolis dohot dosa pe

U:       Bangso na mardalani di bagasan haholomon marnida sada panondang na bolon na manondangi pardalanan ni ngolunta asa unang madabu hita tu jorgong ni si bolis. Taihuthon ma Ibana, Panondang na bolon i, unang manimbil hita tu siamun manang tu hambirang aha pe na masa di ngolunta asa ditogutogu Ibana hita tu hatiuron dohot tu hangoluan salelengleleng na.

R:       Mangendehon B.E. No. 47:3 “Aut na saribu hali ganda”

           Panondang on do papatarhon na so hea niidami

           Dibahen i sai hangoluhon, sondangNa i tu tondimi

           Ai i do hasonanganmi di na lao sego sasude

U:       Nunga di tongatonganta Panondang na bolon i na manondang hita di sandok pardalanan ni ngolunta. Na tarjou do hita asa gabe ponondang di tongatonga ni portibi on.

R        Marsinondang ma tabahen haporseaonta di jolo ni ganup halak marhitehite hata nang pambahenanta.

U:       Tahangoluhon ma holong ni roha tu saluhut halak, taurupi angka na gale dohot na tarbuang, sandok tahaholongi ma angka dongan songon anak ni Damang ai i do patandahon na marguna haroro ni Panondang bolon i tu portibi on.

S:        Mangendehon B.E. No. 47:4 “Au na saribu hali ganda”

           Dibahen i sai marsinondang ma baen haporseaonmi

           Padenggan jala sai patorang roham ro di parangemi

           Paboa na marguna do Panondang na ro i di ho

 

06.  Liturgi I (Anak-anak/Remaja). Prolog: Namargogo do Debata laho patupahon na adong on sian na so adong hian. Ibana ma naginoaran Pargogo naso hatudosan, sitompa nasa na adong. Ditompa angka i marhitehite huasoNa na sun Badia i. “Jadi ma ho...” gabe manjadi ma songon i. Dungi dipungka Debata Jahowa ma sada porlak na margoar Eden tartungkan habinsaran. Jadi tu si ma dibahen Ibana jolma na jinadihonNa i.

Anak-anak (Membacakan liturginya masing-masing dari Natal Sekolah Minggu)

Remaja:

(L1)   Lalu TUHAN Allah menumbuhkan berbagai-bagai pohon dari bumi, yang menarik dan yang baik untuk dimakan buahnya; dan pohon kehidupan di tengah-tengah taman itu, serta pohon pengetahuan tentang yang baik dan yang jahat (Kejadian 2:9)

(L2)   Engkau di taman Eden, yaitu taman Allah penuh segala batu permata yang berharga: yaspis merah, krisolit dan yaspis hijau, permata pirus, krisopras dan nefrit, lazurit, batu darah dan malakit. Tempat tatahannya diperbuat dari emas dan disediakan pada hari penciptaanmu (Yehezkiel 28:13).

(L3)   Aku membuat dia sungguh-sungguh elok dengan cabang-cabangnya yang sangat rapat. Di taman Eden, di taman Allah segala pohon cemburu padanya. Maka dengan siapakah engkau dapat disamakan di antara pohon-pohon di taman Eden dalam hal kemuliaan dan kebesaran? (Yehezkiel 31:9,18)

(L4)   Apakah mukamu tidak akan berseri, jika engkau berbuat baik? Tetapi jika engkau tidak berbuat baik, dosa sudah mengintip di depan pintu; ia sangat menggoda engkau, tetapi engkau harus berkuasa atasnya (Kejadian 4:7)

                       

07.  Marende sian B.E. No. 17:2 “Raja na tumimbul”

Sai dipuji langit, JadijadianMu, Saluhut pambahenanMu

Parsinondang bolon, Na marpamongguri, Ho, o Tuhan do dipuji

Bulan i, Bintang pe, Ho do pinujina, Dohot sinondangna

 

08.  Liturgi II (R = Ruas). Prolog: Nunga susa be sasude jolma hinorhon ni dosa. Bisuk do ulok i laho mangela jolma i asa mangalo tu Debata. Alai tarbahen angka na tinompa i dope marsidalian muse. Umbahen na maol jumpang hamubaon ni roha. Marragam do hasusaan hinorhon ni dosa. Jala ala ni pardosaon i do gabe sahat jolma i tu hamatean.

(L5)      Dimulana i, denggan do sude. Ndang adong na hurang. Debata do na manompa hita tumiru rupaNa. Alai, dung mangolu jolma i, tubu ma roha na roa di ngoluna. Lam mandao ma jolma i sian Debata.

(L6)      Landit porhot songon gota ni hapea, hansit ngotngot naung sangap gabe marlea; songon i do nang hita, nunga ditompa Debata hita tumiru rupaNa alai gabe marlea do hita ala sai tadatdati mangulahon angka dosa jala sega ma rupa ni Debata naung adong hian di hita.

R:      Mangendehon BE. No. 182:1 “Tu joloM o Debatangku”

         Tu joloM o Debatangku sai use do rohangkon.

Sai pasiat tangianghu dohot iluilungkon.

(L7)      Ndang tarbahen be turak, ai nungga sor gok tangan, Ndang tarbahen be mulak, ai nungga sor sun mardalan. Nunga dibagasan dosa be hita ala naung tarlalap do hita diangka ulaon na jat, hinorhon ni i sega ma parsaoran ni jolma tu Debata.

(L8)      Tung mansai las do rohanta molo sangap ni roha songgop tu hita alai jotjotan do hita marlosok ni roha mamuji Debata marhitehite parmingguon dinalaho marsaor dohot dongan sahaporseaon.

R:      Mangendehon BE. No. 182:2 “Tu joloM o Debatangku”

           Husolsoli do rohangku na gok dosa i tongtong.

Ai godang ariaringku na hubahen ambolong.

(L9)      Saluhut na do hita mardosa maradophon Debata. Di parngoluan siapari sai tapangke do angka tingkitta mangulahon angka na jat, jala tahaporseai do angka gogo ni portibion, jala sai tarpodom do hita dihaportibion, molo sahit na renge gabe tatundalhon do Debata jala mangido hamamalum ni sahit sian angka ruparupa ni portibion.

(L10)  Hamoraan, hagabeon dohot hasangapon, i  na pinarsinta ni halak Batak. Toho tutu na mora do luhut halak batak ala tung mansai godang do angka  hosom, teal dohot late, ai hinorhon ni dosa do saluhutna i.

R:      Mangendehon BE. No. 182:4 “Tu jol o Debatangku”

         Ala nii tungki rohangku jongjong di adopanMi.

         Sai asi rohaM Tuhanhu, sesa nasa dosangki.

 

09.  Koor/Vocal Group/Vocal Solo

10.  Mangido Hasesaan ni Dosa (Ruas Jongjong; U = Uluan; R = Ruas)

U:   Ale Tuhan Debata, Amanami marhitehite AnakMu, Tuhan Jesus Kristus naung ro manopot hami jolma pardosa tu portibi on. Na ro do hami nuaeng tu adopanMu manolsoli dohot manopoti dosanami na godang i. Na jotjot do huarsahi hami Ho marhitehite hata dohot pambahenannami na so tama. Tama situtu do hami hona uhumMu ala ni angka dosanami i. Na ro do hami nuaeng tu joloM mangasahon asi ni rohaM mangido tu Ho: sai unang paingotingot angka dosanami, sai salpuhon ma saluhut dosanami i sian rohaM.

R:   Sesa ma dosanami. Asa ias ngolunami songon itak, jala bontar songon hapas.

U:   Ale Tuhan Debata, Parasi roha jala Partalup ni roha. Di pardalanan ni ngolunami tung jotjot do huhalupahon hami mangasahon hagogoon dohot huasoM, dirinami sandiri do sai hupangasahon hami. Gabe jotjot do hami madabu tu ngolu na marungutungut molo so dapot na tinembak ni rohanami jala molo masa tu hami parungkilon dohot sitaonon gabe madabu do hami tu pandelean.

R:   Ale Tuhan asi ma rohaM di hami na dangol on, sai marpangulahi ma roham di hagaleonnami.

U:   Ale Tuhan Debata, Pargogo na so hatudosan, Amanami situtu di bagasan AnakMu, Tuhan Jesus Kristus. Nunga dipatuduhon Ho holong ni rohaM na so hadodoan i tu hami pardosa marhitehite na disuru Ho AnakMu, Tuhan Jesus Kristus tu portibi on. Hape tung jotjot situtu do hami ndang manghamauliatehon holong ni rohaMi marhitehite pambahenan di ngolu siganup ari. Ndang gabe habaoran ni pasupasuM hami tu dongannami jolma, ndang huhaholongi hami dongannami doshon dirinami. Ale Tuhan sai sundati ma torutoruM asa unang mangonai be tu hami. Sai lehon ma di hami partingkian paubahon roha jala sai pargogoi ma hami mangulahon na hombar tu lomo ni rohaM saleleng di portibi on do pe hami.

R:   Ale Tuhan sai asi ma rohaM di hami, tangihon ma tangiangnami on holan ala ni AnakMu, Tuhan Jesus Kristus, Tuhannami.

U:   Songon sintong na mangolu Ahu, ninna Tuhan Jahowa, tung na so lomo do rohangKu mida hamatean ni parjahat, na lomo do rohangKu mida hamumulak ni parjahat i, tumadingkon dalanna, asa mangolu ibana. Hasangapon ma di Debata na di ginjang.

S:    Amen! (…Ruas hundul…)

 

11.  Marende sian B.E. No. 53:5+6 ”Di Betlehem do tubu”

Partohap di dagingku, Ho Debata hian

Tu Ho naeng au mardomu, Ho artangki hian

Olo, olo, Ho artangki hian

Sai unang sirang hita momosi ihot i

Di holong ni rohanta, O Jesus Tuhanki

Sai tong, sai tong, di Ho ma rohangki

 

12.  Liturgi III. Prolog: Alai ndang dihalomohon Debata hamatean ni angka parjahat i, hamubaon ni rohana do dihalomohon Ibana asa mangolu. Ndang dijujur Debata be pardosaon ni jolma i gabe uhumanNa manghorhon hamatean si saleleng ni lelengna. Jala songon on do Hata ni Tuhan Debata: “Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do Sipalua ho!”. Songon dia do dalan na pinatupa ni Debata lao paluahon hita jolma?

(L11)  Ida ma, na ro do angka ari sogot, ninna Jahowa, patindangonku ma di si Daud sada tumbur na tigor, na bangkit raja jala na pistar, jala hajongjongkononna ma uhum dohot hatigoran di tano i.

(L12)  Ida ma, suruanku ma suruanku, asa dipadiri dalan di jolongku. Dung i tompu ma ro tumopot jorona Tuhan, na niluluanmuna dohot suruan ni parpadanan na hinalungunhonmuna. Ida ma, na ro ma ibana, ninna Jahowa Zebaot.

(L13)   Jala ahu patindang di nasida sada parmahan, asa ibana marmahan nasida, i ma naposongKu . Ibana ma marmahan nasida, jala ibana gabe Parmahan di nasida.

(L14)  Di angka arina dapotan tua ma Juda, jala Israel marsonangsonang di ingananna; jala on do goarna dohonon ni halak: Jahowa parpintoranta.

(L15)  Ida ma, gabegabean ma sada namarbaju, jala tumubuhon sada anak, jala bahenonna ma goarna: Immanuel.

(L16)  Mariaia situtu ma ho, ale boru Sion, marolopolop ma ho ale boru Jerusalem! Ida ma, na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina.

(L17)  Jadi songgop ma tu ibana Tondi ni Jahowa, Tondi ni habisuhon dohot hapistaran, Tondi ni panuturion dohot hagogoon, Tondi ni parbinotoan dohot biar maradophon Jahowa.

(L18)  Jala saluhut bangso, houm dohot halak parpangkuling marragamragam marsomba tu Ibana. Ro di salelenglelengna do pamarentaonna, na so tupa munsat sian ibana, harajaonna pe na so tupa pesan do.

 

13.  Marende BE. No. 58 : 1 – 2 “Martumbur tungkotungko”

Martumbur tungkotungko na di si Jese i

Na tubu Posoposo Na pinarbaga i

Ima Tuhanta i, Sinuru ni Amana tu hita jolma i

Tumbur sinurirangkon ni si Jesayas i

I do na tinubuhan ni si Maria i

Na saut ma jumpa i, Na pinarbagabaga ni Debatanta i

         

14.  Gabe Daging Hata i/Barita Natal (U = Uluan; R = Ruas)

U:   Didok angka parhapistaran sian Purba do, didia do Raja na imbaru tubu i? Ai didok panurirang do: “Ia ho huta Betlehem, apala tung na ummetmet do ho ditongatonga ni angka huta na diluat Judea, alai ho do huta haroroan ni Raja i, na marmahan Israel bangsongki!” Dungi borhat ma angka parhapistaran sian Purba dung diida nasida bintangna ditano habinsaran.Borhat do nasida tu huta Betlehem laho marsomba tu Raja naimbaru tubu i.

R:   Marende BE. No. 608 : 1 “O Betlehem na metmet i”

O Betlehem na metmet i boasa modom ho,

Humirdophirdop bintang i hohom marnida ho.

Alai ro sian ho do panondang na tongtong

Napinarsinta na sailaon sorang diborngin on.

U:   Jadi adong ma marborngin di ladang na disini, angka parmahan mangingani pinahan nasida. Jadi didapothon sada surusuruan ma nasida, jala marsinondang ma sangap ni Debata humaliang nasida, didok surusuruan i ma: “Unang mabiar hamu, ai naung tubu do dihamu saborngin on, dihuta ni si Daud, Sipalua i, ima Kristus Tuhan i”. Antong, dibagasan sadari on, taungkap ma rohanta, asa tubu Kristus, jala maringanan dibagasan rohanta.

R:   Marende BE. No. 608 : 3 “O Betlehem na metmet i”

O Anak na badia i, ro Ho tu hami be

Bongoti daging tondi i, parbadiai sude.

Barita na ummuli, hutangi hami be

Sorang ma Ho dingolungki, Ale Immanuel.

 

15.  Koor/Vocal Group/Vocal Solo

16.  Doa Syafaat:

17.  Marende sian B.E. No. 54:1-2 ”Sonang ni bornginna i” (Rap jongjong)

Sonang ni bornginna i, Uju ro Jesus i

Sonang modom do halak sude,

Holan dua na dungo do pe

Manginani AnakNa, Jesus Tuhanta i

Denggan ni bornginna i, Uju ro Jesus i

Tu parmahan di Betlehem i

Dipaboa na di surgo i

Nunga ro Sipangolu, Jesus Tuhanta i

 

18.  Jamita/Renungan Natal

19.  Marende sian B.E. No. 49:6-7 “Sai ro ma tu bara” (huhut papungu Pelean)

Tung aha ulaning denggan ni rohaM

Silehononnami baen las ni rohaM

Nang sere, nang perak, ndang pinangidoM

Ai roha na ias sambing do lomoM

Antong rohanami ma peleanMi                           

O Jesus hasian sai jalo ma i

Ias jala sonang ma baen angka i

Tongtong gabe domu ma tu rohaMi

 

20.  Parsuruon. (U = Uluan; R = Ruas; Rap Jongjong)

U:   Huria na hinaholongan ni Tuhan Jesus Kristus. Nunga marsaringar di tongatonganta Hata ni Debata na pabotohon tu hita naung dipatulus Debata bagabagaNa tu hita marhitehite na marsuru AnakNa Jesus Kristus ro tu portibi on. Marhitehite Jesus Kristus dipapatar Debata tu hita balga ni holong ni rohaNa, ai marhite Jesus Kristus dipalua hita sian huaso ni dosa jala targoar hita anak ni Debata. Songon anakhon ni Debata hita marragam do angka parungkilon dohot pangunjunan na taadopi di portibi on na boi manait hita tu bagasan dosa.

R:   Alani i tongtong ma hita mian di bagasan Ibana, mangolu ma hita hombar tu hataNa, asa monang hita sahat ro di ujungna maralohon ragam ni parungkilon dohot pangunjunan di portibi on.

U:   Songon anakhon ni Debata hita, na tarjou do hita mamparbuehon angka na denggan di panggulmiton ni ngolunta di tongatonga ni portibi on. Borhat ma hita tabaritahon ma naung ro Jesus Kristus, Sipalua portibi on marhitete na gabe sira dohot panondang hita, marhitehite na mangolu hita di bagasan holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon.

S:    Mangendehon B.E. No. 597a:2 ”Baritahon di dolok”

Baritahon di dolok, di rura, di sude inganan

Baritahon di dolok naung tubu Kristus i

Di na pinabangkitMu, au gabe naposoM

Patau ma au Tuhanku marhobas di joloM

Baritahon di dolok…d.u….

21.  Tangiang Pelean + Tangiang Ale Amanami + Pasupasu

III.       HIBURAN