Acara Bona Taon Patogubona KB-SMK-B

-

 

Tertib Acara Partangiangan Bona Taon

PATOGUBONA KWALA BEKALA – SIMALINGKAR B

MEDAN

12 Februari 2023  

 

Tema: “Jala lehononku tu hamu roha na imbaru dohot tondi na imbaru tu bagasan ateatemuna; jala unsatonku do roha batu sian dagingmuna, jala lehononku tu hamu roha sibuk” (Yehezkiel 36:26).


 

I. IBADAH

1.      Joujou tu Parsaoran Nabadia

Hamuna angka dongan sahaporseaon! Sadari on ari Minggu, Tgl. 12 Februari 2023 on, Marpungu do hita “PATOGUBONA Kwala Bekala – Simalingkar B” mandok mauliate tu Tuhanta Pardenggan basa i na paloashon hita mandok mauliate tu Ibana. Nunga diramoti Tuhanta hita manalpuhon taon 2022, jala nunga masuk hita tu taon 2023. Ala ni i tama do hita mandok mauliate tu Debata jala mangido pangaramotionNa di na mamungka nang di na mandalani taon na imbaru on. Taparade ma rohanta asa masuk hita tu Parsaoran Nabadia di adopan ni Debata. Tapangke satongkin tingkinta laho Marhahohomon (Saat Teduh)… Amen!

 

2.      Marende sian BE. No. 66:1+3 ”Debata baen donganmi”

Debata baen donganmi/ Lao mangula ulaonmu/

Baen Ibana haposanmu/ Sai paserep rohami/

Debata baen donganmi/ Debata baen donganmi.

Debata baen donganmi/ Sai na saut do ulaonmu/

Sai na tulus do sangkapmu/ Jala sonang rohami/

Debata baen donganmi/ Debata baen donganmi

 

3.      Votum/Introitus: (Marsoring-soring; L = Liturgis, P = Punguan; S = Sude; Sude jongjong)

L:  Dibagasan goar ni Debata Ama dohot AnakNa Tuhan Jesus Kristus dohot Tondi Parbadia, na manompa langit dohot tano on. Amen. Mandok mauliate ma hamu tu Jahowa, ai na basa do Ibana, ai ro di salelenglelengna do Asi ni rohaNa i.

P:  Sai urupi ma hami ale Jahowa Debatanami. Sai tumpahi ma ngolunami hombar tu asi ni rohaM.

L:  Sai halomohon Jahowa, jadi lehononNa ma tu ho pinangido ni rohaM. Pasahat ma dalanmu tu Jahowa jala haposi Ibana asa Ibana paturehon.

P:  Taoloi ma Jahowa marhitehite las ni roha, ro be ma hita tu joloNa marhitehite olopolop.

L:  Taboto ma: Jahowa do Debata; Ibana do na jumadihon hita, jala Ibana nampuna hita, bahen bangsoNa dohot birubiruNa.

P:  Martua ma ganup na manghabiari Jahowa, na marparange di angka dalanNa i. Sai panganonta do na niula ni tanganta, martua ma hita jala sonang.

S:   Tapuji ma Jahowa, ai Pardenggan basa do Ibana; taendehon ma goarNa, ai hasudungan ni rohanta do Ibana.

L:  Martangiang ma hita

      Ale Tuhan Debata, huboto hami do, ndada ala ni gogo dohot habisuhonnami sambing umbahen na tarbahen hami tolhas tu taon 2023 on; tung holan ala asi ni rohaM sambing do. Hupasahat hami ma ngolunami tu Ho mandalani ariari na pinasahatMu tu hami di taon 2023 on. Manang dibagasan las ni roha manang arsak ni roha hami, holan Ho sambing ma huhaposi hami. Ala ni i, sai lam patogu ma nang haporseaonnami, asa tongtong hami marsigantung tu Ho. Unang mandele hami molo ro pangunjunan tu hami. Hupagomgomhon hami ma nang punguannami on tu adopanMu nabadia i, asa anggiat punguannami on lam tu sadana tau mamparbuehon godang angka na denggan tu saluhut ruasna nang na humaliang hami pe. Hupasahat hami ma tangiang nami on tu Ho, marhite-hite Tuhan Jesus Kristus na pasadahon hami mandok mauliate tu Ho. 

S:   Amen!

 

4.      Marende sian BE. No. 504:1+3 ”Ditogu Tuhan Jesus au”

Ditogu Tuhan Jesus au, i do na mangapuli au

Diganup dalan nang tung maol, tanganna do tongtong huhaol

Ditogutogu Jesus au, tanganna sai maniop au

Tongtog ma siseanna au, paima boi tu surgo lao

      Gomos ditio tanganki, so tung na silap langkangki

      Di nasa parsorionki, Ibana haporusanki

      Ditogutogu Jesus au, tanganna sai maniop au

      Tongtog ma siseanna au, paima boi tu surgo lao

     

5.      Manjaha Hata ni Debata sian Psalmen  99:1-9 (Marsoring-soring; L = Liturgis, P = Punguan, S = Sude)

L:  Jahowa do Raja, angka hitir ma angka bangso; marhabangsahon kerubim Ibana, humuntal ma tano on.

P:   Tongam do Jahowa di Sion, jala timbul do Ibana gumomgom sude angka bangso.

L:  Pujionnasida ma sogot goarna na timbul jala na songkal, na badia do Ibana.

P:   Dohot hagogoon ni raja na mangkaholongi uhum. Nunga dipahot Ho hasintongan, nunga dipamasa Ho uhum dohot hatigoran di Jakkob.

L:  Patimbul hamu ma Jahowa Debatanta i, jala marsinggang ma hamu tujolo ni sidegedegean ni patna, na badia do Ibana.

P:   Si Musa dohon si Aron di tongatonga ni angka malimna, jala si Samuel di tongatonga ni angka sijou goarna, manjoujou do nasida tu Jahowa, jadi Ibana mangalusi nasida.

L:  Di bagasan ombun na marsijongjong Ibana mangkatai tu nasida, diradoti nasida do angka panindangionna i dohot patik na nilehonna i tu nasida.

P:   Ale Jahowa, Debatanami, Ho do mangalusi nasida, Debata na marpamuati do Ho di nasida, jala parlulu di pambahenannasida.

S:   Sai patimbul hamu ma Jahowa Debatanta i, jala marsinggang ma hamu di dolokna na badia i, ai na badia do Jahowa Debatanta i.

 

6.    Marende sian BE. No. 69:1-2: ”Ungkap bahal na umuli 

Jesus, sai urupi hami, Dohot di taon baru on

Paimbaru gogonami, Mangihuthon Ho tongtong

Pasupasu ma muse, Na porsea sasude.

Pingkiranku, ulaonku, Tau pasangap Ho ma i

Dungo manang modom ahu, Ho tongtong di lambungki

Nang lao ruar masuk pe, Ho ma donganki muse.

 

7.      Gabe Parroha Mauliate ma Hita Tu Debata (Marsoring-soring; L = Liturgis, A = Ama/Baoa, I = Ina/Parompuan, S = Sude 

L:  Mandok mauliate ma hita tu Debata na mangolui, ala denggan ni basaNa dohot asi ni rohaNa na so halompoan i mangaramoti ngolunta. Mansai balga situtu do holong ni roha ni Tuhanta mangaramoti hita “PATOGUBONA Kwala Bekala – Simalingkar B” sian taon naung salpu i sahat tu taon 2023 on.

A:  Dilehon do las ni roha dohot panghirimon na mangolu tu hita, nang pe marombas-ombas arsak nang las ni roha taadopi di taon naung salpu i. Ndang tarasam hita denggan basa ni Jahowa mangaramoti ngolunta. Alani i, patut tapuji Ibana jala taoloi na nidokNa.

L:  Idama, pangarimpunan ni na denggan naung huida i: Lehet do mangan minum jolma i jala dipasonang rohana mangihutihut sandok ulaonna hian na niulana di hasiangan on saleleng di ngoluna. Na nilehon ni Debata tu ibana; ai i do jambarna.

I:   Angkup ni i, molo dilehon Debata tu manang ise hamoraon dohot sinamot, diloas ibana mangan dohot mambuat jambarna sian i, huhut marlas ni roha diulaonna, silehon-lehon ni Debata do i. Ai ndang sadia dipaingot-ingot rohana angka ari ni ngoluna, ala naung nialusan ni Debata ibana marhite sian las ni rohana.

L:  Jahowa do silehon tua dohot pasupasu tu hita, Ibana do hatuaonta. Soara ni olopolop dohot hatuaon marsaringar di undung-undung ni angka partigor: Siamun ni Jahowa do sibahen hamonangan dohot las ni roha di hita. Hamu ale angka na manghabiari Jahowa, marhaposan tu Ibana ma hita! Ibana ma tutu Pangurupi dohot lombu-lombunta dipardalanan ni ngolunta ganup ari.

A:  Dingot Jahowa do hita: Ibana ma tutu mamasumasu ngolunta. Ibana do mamasumasu nang sude anggota ni “PATOGUBONA Kwala Bekala – Simalingkar B”; martua ma hita jala sonang.

L:  Ibana mamasumasu angka na manghabiari Jahowa, angka na metmet dohot angka na magodang. Sai ambaambaan ni Jahowa do pasupasuNa tu hita dohot tu pinomparta sogot.

I:   Martua ma ganup na manghabiari Jahowa, na lomo roha situtu di angka patikNa! Sangap ma pinomparna i sogot di tano on, dapotan pasupasu ma sundut ni angka partigor sogot.

S:   Hamoraon marlobilobi dibagasan jabuna, jala hot do hatigoranna i ro di salelenglelengna. Idama, sai songon i do tongon dapotan pasupasu ganup jolma na manghabiari Jahowa. Amen.

 

8.      Marende sian BE. No. 392:1+4, ”Sai pasiat Tuhan Jesus”

Sai pasiat Tuhan Jesus, tu bagasan rohami

Sai maimaima Jesus, bege panuktukNa i

Sai pasiat Tuhan Jesus, jangkon i tu rohami

Nunga tingki parasian, sotung jolo salpu i

Lehon ngolumi tu Jesus, ai hatop do salpu i

Sai pasiat ma Tuhanmu, tu roham na loja i

Sai pasiat Tuhan Jesus, jangkon i tu rohami

Nunga tingki parasian, sotung jolo salpu i

.

9.      Jamita

 

10.  Marende BE. No. 213:1+3, ”Dung sonang rohangku”

Dung sonang rohangku dibaen Jesus i

Porsuk pe hutaon dison

Na pos do rohangku di Tuhanta i

Dipasonang tongtong rohangkon

Sonang do, sonang do/ Dipasonang tongtong rohangkon.

Diporsan Tuhanku sandok dosangki

Bolong tu na dao do dibaen

Nang sada na so jujuronNa be i

Na martua tondingku nuaeng

Sonang do, sonang do/ Dipasonang tongtong rohangkon

 

11.  Tangiang Pangondianon / Doa Syafaat

 

12.  Marende sian BE. No. 476:2-3, ”Ndada au guru di au”, Huhut Papungu Pelean

Ndang di au di Tuhan Jesus, Daging dohot rohangki

Saluhutna hupasahat tu Ho, Jesus Tuhanki

Ndang be au guru di au, Jesus na humophop au, nampuna au

Tung saleleng au mangolu, Jesus do nampuna au.

Ualonku nang artangku, Pangke ma baen sangapMi

Diusehon Ho mudarmu, Tung tanda do holongMi

Ndang be au guru di au, Jesus na humophop au, nampuna au

Tung saleleng au mangolu, Jesus do nampuna au.

 

13.  Borhat mandalani taon 2023 mangasahon Debata (Sude jongjong jala Marsoringsoring; L = Liturgis/Parjamita, P = Punguan)

L:  Dihita saluhutna! Nunga dipaloas Debata hita masuk tu taon 2023 on. Silehonlehon ni Debata do on tu hita, si hamauliatehononta. Alai ingkon pangkeonta do taon na binasabasahon ni Tuhan i dibagasan hasatiaon tu Ibana marhite ngolu nang pambahenanta.

P:   Alai anggo ahu dohot donganku sajabu, ingkon Jahowa do oloan nami. 

L:  Sai jagahon dirim asa unang dihalupahon roham Jahowa naung manogihon ho ruar sian taon 2022 masuk tu taon 2023 on.

P:   Alai anggo ahu dohot donganku sajabu, ingkon Jahowa do oloan nami.

L:  Ingkon habiaranmu Jahowa, Debatam, jala oloanmu Ibana. Jala maruari ho tu goarNa. Ingkon burju ho mangaradoti angka taon di Jahowa, ro di angka panindangionNa dohot aturanNa angka naung tinonahonNa i tu ho.

P:   Alai anggo ahu dohot donganku sajabu, ingkon Jahowa do oloan nami.

L:  Unang meret bungku patik ni Jahowa sian pamanganmu, sai pikirpikiri ma i arian dohot borngin, asa diradoti ho jala dipatupa ho hombar tu sude na tarsurat di bagasan i, asa maruntung ho di angka dalanmu, jala marmulia parulanmu.

P:   Alai anggo ahu dohot donganku sajabu, ingkon Jahowa do oloan nami.

 

14.  Tangiang Ale Amanami + Pasupasu

 

15.  Marende sian BE. No. 36:3, ”Pasupasu hami” (Ganti ni Amen... Amen...Amen...)

Amen hudok hami, Ale Tuhannami

Na marasiroha i, Sangap ma di goarMi!

 

II. KATA SAMBUTAN & HIBURAN (Diatur Pangurus)

Comments

Post a Comment

Popular posts from this blog

Bersukacita dalam Penderitaan

-
BERSUKACITA DALAM PENDERITAAN   Oleh: Pnt. Drs. Beltasar Pakpahan   23  Sebab itu kamu harus bertekun dalam iman, tetap teguh dan tidak bergoncang, dan jangan mau digeser dari pengharapan Injil, yang telah kamu dengar dan yang telah dikabarkan di seluruh alam di bawah langit, dan yang aku ini, Paulus, telah menjadi pelayannya. 24  Sekarang aku bersukacita bahwa aku boleh menderita karena kamu, dan menggenapkan dalam dagingku apa yang kurang pada penderitaan Kristus, untuk tubuh-Nya, yaitu jemaat. 25  Aku telah menjadi pelayan jemaat itu sesuai dengan tugas yang dipercayakan Allah kepadaku untuk meneruskan firman-Nya dengan sepenuhnya kepada kamu, 26  yaitu rahasia yang tersembunyi dari abad ke abad dan dari turunan ke turunan, tetapi yang sekarang dinyatakan kepada orang-orang kudus-Nya. 27  Kepada mereka Allah mau memberitahukan, betapa kaya dan mulianya rahasia itu di antara bangsa-bangsa lain, yaitu: Kristus ada di tengah-tengah kamu...
Read more

Jadilah Cerminan Kasih Tuhan

-
JADILAH CERMINAN KASIH TUHAN 2 Tawarikh 9:1-8   Oleh: Pnt. Drs. Beltasar Pakpahan   1 Ketika ratu negeri Syeba mendengar kabar tentang Salomo, maka dengan pasukan pengiring yang sangat besar dan dengan unta-unta yang membawa rempah-rempah, banyak emas dan batu permata yang mahal-mahal datanglah ia ke Yerusalem hendak menguji Salomo dengan teka-teki. Setelah ia sampai kepada Salomo, dipercakapkannyalah segala yang ada dalam hatinya dengan dia. 2   Dan Salomo menjawab segala pertanyaan ratu itu; bagi Salomo tidak ada yang tersembunyi, yang tidak dapat dijawabnya untuk ratu itu. 3   Ketika ratu negeri Syeba melihat hikmat Salomo dan rumah yang telah didirikannya, 4   makanan di mejanya, cara duduk pegawai-pegawainya, cara pelayan-pelayannya melayani dan berpakaian, juru-juru minumannya dan pakaian mereka, dan korban bakaran yang biasa dipersembahkannya di rumah TUHAN, maka tercenganglah ratu itu. 5   Dan ia berkata kepada raja: "Benar juga k...
Read more

Sehati Sepikir dalam Satu Kasih

-
SEHATI SEPIKIR DALAM SATU KASIH Filipi 2:1-4   Oleh: Pnt. Drs. Beltasar Pakpahan   1 Jadi karena dalam Kristus ada nasihat, ada penghiburan kasih, ada persekutuan Roh, ada kasih mesra dan belas kasihan, 2   karena itu sempurnakanlah sukacitaku dengan ini: hendaklah kamu sehati sepikir, dalam satu kasih, satu jiwa, satu tujuan, 3   dengan tidak mencari kepentingan sendiri atau puji-pujian yang sia-sia. Sebaliknya hendaklah dengan rendah hati yang seorang menganggap yang lain lebih utama dari pada dirinya sendiri; 4   dan janganlah tiap-tiap orang hanya memperhatikan kepentingannya sendiri, tetapi kepentingan orang lain juga. (Filipi 2:1-4)   PENDAHULUAN Setiap kita merupakan bagian dari komunitas yang memiliki identitas tertentu, entah itu keluarga, organisasi sosial atau masyarakat. Setiap komunitas pastilah memiliki kekuatan atau keunikan yang menjadi pengikat di dalamnya. Kekuatan komunitas orang-orang percaya terletak pada kesatua...
Read more